අඩු වයසින් විවාහ වන ග්රහ පිහිටීම්

 

අඩු වයසින් විවාහ වන ග්රහ පිහිටීම්

සමහරෙකුට වස්තුව, ධනය, රූමත්කම, උගත්කම තිබුනද විවාහ දිවිය අහිමිව ඇත. ලාබාළ වයසින් විවාහයට පත්ව සාර්ථක විවාහ ජිවිතය ගෙනියන්නෝ ද, සාමාන්‍ය වයස් සිමාවේ දී පොදු සම්මත කාලසිමාවේ දී විවාහයට ගිවිස ගන්නෝ ද, තරුණ විය ඉක්මවා යමින් සිටිය දී විවාහවන්නෝ ද, අද අප අතර සිටිත්. කෙසේ වුවද දෙදෙනෙකුගේ විවාහ දිවිය සාර්ථක වන්නට දෙදෙනා අතර සැකයෙන් තොර අන්‍යෝන්‍ය විශ්වාසය, බැඳීම, සතුට, සාමය, සමගිය පවත්වා ගැනිම, ආර්ථික වර්ධනය උදෙසා මනා කළමනාකාරිත්වය, දරු සම්පත් ලබා ගැනිම, නිරෝගී බව රැකගැනිම, විවාහ ගිවිස ගන්නා දෙදෙනාටම වඩාත්ම වැදගත් වෙයි.

විවාහයක දී සිකුරු සමගින් කුජ ග්‍රහයා ප්‍රධාන මෙහෙවරක් ඉටු කරනු ඇත. එසේම ගුරු ග්‍රහයාගෙන් ද මහත් පිටුවහලක් ලැබෙයි. සඳු ග්‍රහයාගේ බලය අනුව විවාහය සම්බන්ධව සිතුවිලි ඉක්මන් කරවනු ඇත. එසේම කේන්දරයේ කුජ, සිකුරු, ගුරු, සඳු බලවත්ව පිහිටියේ නම් නිසි වයසේ දී යහපත් සුබ විවාහයට හේතුකාරක වෙයි. කුජ/සිකුරු ග්‍රහයා කටක රාශියේ ද විවාහ ඉක්මන් වෙනු ඇත.

ලාබාළ වයසේ විවාහයක දි සිකුරු කේන්දරස්ථානගතව සහ ත්‍රිකෝණව පිහිටීම ඉක්මන් විවාහයට මග සලසයි. 07වැන්නාධිපතියා 11 වැන්නේ ද සිකුරු 02 වැන්නේද ඉක්මන් විවාහයයි. 07වැන්නාධිපතියා සුබ රාශියක සිටිය දි සිකුරු බලවත් ව තමාගේම නැකතක වුයේ ද ලාබාළ ඉක්මන් විවාහයයි. 07පතියා සිකුරු සමගින් ද 07 වැන්නේ රවි ද ඉක්මන් විවාහ සැපයි. 02වැන්නාධිපතියා 11 වැන්නේ ද 11 වැන්නාධිපතියා 02 වැන්නේ ද ඉක්මන් විවාහයයි. 02වැන්නාධිපතියා කුජ ග්‍රහයා සමගින් ද සිකුරු 02 වැන්නේ සිටිය දී ඉක්මන් විවාහයයි. 02වැන්නාධිපතියා 11 වැන්නේ ද ලග්නාධිපතියා 10 වැන්නේ ද කල් නොගොස් ඉක්මන් විවාහයයි. ලග්නාධිපතියා මකර, කුම්භ රාශියේද සිකුරු 01, 04, 07, 10 පිහිටි නම් ලාබාල වයසේ විවාහයයි. සිකුරු කේන්දරස්ථානගත ව සිකුරුගෙන් 07 වැන්නේ සෙනසුරු නම් ඉතාම අඩුවයසින් විවාහවෙයි (ශනිට සිකුරු දැක්ම පාපවීම පාප දැක්ම පමාවයි). සිකුරු කුජ සංයෝගව හෝ කුජ සිකුරුගේ රාශියේ නැත්නම් නවාංශකයේද සිකුරු කුජගේ රාශියේ නැත්නම් කුජගේ නවාංශකයකද ඉක්මන් විවාහ සැපතයි. 02 වැන්නාධිපති සහ 11 වැන්නාධිපති සංයෝගව 10 වැන්නේ ද ඉක්මන් විවාහයයි. මෙම පිහිටීමට ලග්නාධිපතියා එක්වීම විවාහයෙන් පසු වාසනාවයි. කේන්දරයේ කුජ සඳු සංයෝග නම් ලාබාල වයසේ විවාහයයි. තුලා ලග්නයේ සිකුරු ග්‍රහයා ත්‍රිශාංශකයේ උපත ලබා සඳු ග්‍රහයා තුලාවේ හෝ වෘෂභයේ පිහිටි නම් ලාබාළ වයසේදී විවාහයට පත්වෙයි. කේන්දරයේ නවාංශාධිපතියා ලග්න කේන්දරයේ 07 වැන්නේ ද බාල වයසින් ම විවාහයයි. වෘෂභ ලග්නයේ 07 වැන්නාධිපති කුජ සමගින් රවි සංයෝගය ද සඳු ලග්නයේ ද ඉක්මන් විවාහයයි.

කේන්දරයේ සිකුරුගේ සංයෝග අනුව ලබා දෙන විවිධ විවාහ සැප

විවාහයක දී සිකුරු ග්‍රහයා නොනිමි මෙහෙවරක් ඉටුකරනා සුබ ග්‍රහයෙකි. සෞම්‍ය ස්ත්‍රි ග්‍රහයෙක් වන සිකුරු ගුරුගේ පුත්‍රයා යයි ද ජ්‍යෙතිෂයේ කියැවේ. ආදරය, ප්‍රේමය, කරුණාව, ලස්සන ගති, පිරිසිඳුකම, යහපත් විවාහය, සැප, සතුට, විනෝදය, කලාව, සිනමාව පෙන්වන අතර සිය සුබ පලඳීමෙහි ලා ප්‍රධාන තැනක් ගනියි. එසේම කේන්දරයේ සිකුරු අනෙකුත් ග්‍රහයින් සමග සංයෝග අනුව විවාහයේ දි විවිධකාරවු විවාහ සැප සහ දුක, වේදනාව හිමිකර දෙන බව පැහැදිලිව පෙනෙයි. ඒ අනුව -----

සිකුරු සමගින් සඳු ග්‍රහයා කේන්දරයේ 04 වැන්නේ සුබ සංයෝගව පිහිටීමෙන් සැපවත් විවාහයක් ලබාදෙයි.

සිකුරු සඳු සමගින් හෝ 10 වැන්නේ සිකුරු රවි සමගින් නම් විනෝදකාමී විවාහයක් ලබා දෙනු ඇත. සිකුරු රවි සංයෝගයෙන් 05 09 වන ත්‍රිකෝණස්ථානයේදි ඔබට කළාකාමී විවාහයකට ඉඩ සලසනු ඇත. සිකුරු කුජ සංයෝගයෙන් 05 09 වු ත්‍රිකෝණස්ථානයේ දි අධිකාමුකව රාගයෙන් මත් වු විවාහයකි. සිකුරු සමගින් රාහු සංයෝගය 03, 04, 06, 07, 08, 12 වැන්නේ පිහිටීමෙන් විවාහය අවුල් ජාලාවකි. සිකුරු සමගින් සෙනසුරුද 04 වැන්නේ ද සැප නැති, දුක වේදනාව උරුම වු නිරස විවාහයකි. සිකුරු සමගින් කේතුද 10 වැන්නේ සංයෝගයෙන් ද සැප නැති, දුක වේදනාව උරුමවු නිරස විවාහයකි. සිකුරු සමගින් සෙනසුරු ලග්නගතව පිහිටීම හේතුවෙන් විවාහය අපා දුකකි. විවාහයෙන් පසුතැවිලි වෙනු ඇත.

1. 04 වැන්නේ සුබව සිකුරු සමගින් සඳු පිහිටීමෙන් සැපවත් විවාහයක් ගෙන දීමට සිකුරු සමත්වේ. විවාහය රසවත්වන අතර 04 වැන්නේ සිකුරු සඳු දිග් බලයෙන් යුක්ත වෙයි. 04 වැන්නෙන් නිරූපනය වන්නේ සිතයි. සඳු ග්‍රහයා සිතුවිලි වලට අධිපතියාවේ. තමා දන්නා අයෙක් සමගින් විවාහ වෙනු ඇත. දෙදෙනා අතර අවබෝධය විශ්වාසය ඇති වෙයි. වාසනාවන්ත විවාහයකි. එසේම ලස්සන නිවසක් ද හිමිවෙනු ඇත. කායික මානසික සුවය සැප ලබයි.
2. 10 වැන්නේ සුබව සිකුරු සඳු සමගින් හෝ සිකුරු රවි සමගින් සංයෝගයෙන් විනෝදකාමී සැපවත් විවාහයකට මුලපුරනු ඇත. දෙදෙනා නිතරම විනෝදයෙන් සතුටින් කාලය ගෙවයි. කායික ලිංගික සංසර්ගයේදි දෙදෙනා මනා අවබෝධයෙන් යුතුව උපරිම සැප සමගින් විනෝදයෙන් කටයුතු කරයි.
3. 05 සහ 09 වැන්නේ සිකුරු රවි සංයෝගයෙන් විවිධ විලාසිතා අනුගමනය කරයි. නිවාස පරිසරයද, යහපත් විවාහයද, කලාවට හා විනෝදයට මෙන්ය. කායික සහ මානසික සැප ඉහලයි. සංසර්ගයේදි දෙදෙනා හඳුනා ගෙන ඉක්මන් නොවී නිවිසැනසිල්ලේ සැප ගනු ඇත. එසේම දෙදෙනා නිතර සංචාරයට, විනෝද ගමනට කැමැත්ත දක්වයි.
4. 05 09 සිකුරු කුජ සංයෝග පිහිටීම යහපත් වන අතර අතිධාවනකාරි වුවද මේ දෙදෙනා ම බලවත් බැවින් රිසි සේ සැප ගැනියි. අනියමට නොයනු ඇත. රාගයෙන් මත් වු විවාහයකි.
5. සිකුරු රාහු ලග්නයේ පිහිටිම අවුලකි. විනාශයයි. දෙදෙනා අන්‍යෝන්‍ය විශ්වාසයෙන් තොරව සැකයෙන් කටයුතු කිරිම හේතුවෙන් ද දුරදක්නා නුවණ නැති කමින් ද ගිය ගිය තැන සබඳතා ඇතිකර ගැනිමෙන් අවුලෙන් අවුලට පත්ව දෙදෙනා විරසකව කරවයි. සිකුරු රාහු කේන්දරයක සංයෝගය බොහෝ දුරට 01 03 04 06 07 08 12 පිහිටිම අසුබයි. සිකුරු රාහු කේන්දරයේ සංයෝගය 04 වැන්නේ දි අධිකාමුකභාවය හේතුවෙන් සැහීමට පත් නොවී අනියමට පිටස්තරයට යනු ඇත. සිකුරු රාහු 07 වැන්නේද විවාහ දිවිය අවුල් කරවයි. අනියමට යනු ඇත. අසාර්ථක විවාහයයි. නිතර සැප මදි යයි සිතයි, තැවෙයි.
6. සිකුරු කේතු 10 වැන්න තම හැඟීම් වලට ආශාවනට නොගැලපෙන බව පෙනෙයි. කායිකව සහ මානසිකවද සැප නැති දිවියකි. ඔහු කොතරම් වේගකාරි වුවද ඇය දකින්නේ මන්දගාමී ස්වරූපයයි. දුක වේදනාව උරුම වු සැප නැති දුක් ජිවිතයකි. නමුත් චරිතය රහසිගතවයි. සිකුරු ශනි 04වැන්න නිසා ලබන්නේ වයසින් වැඩි අයෙක් නිසා සැප පලා යයි. අනියමට හෝ රහස් සබඳයට ඉඩ ඇත.
7. සිකුරු ශනි ලග්නයේ පිහිටිමයි. වැන්දඹු හෝ දික්කසාද අයෙක් සමගින් වු විවාහය ටික කලකින් දෙදෙනා අතර මතභේද ඇති වී විරසක වෙයි. සැප හීනවෙයි. මෝඩකමට කරගත් විවාහයක් යයි පසුව දැන පසුතැවිලි වෙනු ඇත.

හත නැකත

 

හත නැකත

ජ්‍යොතිෂයට අනුව රාශි චක්‍රය නැකැත් විසිහතකට බෙදාවෙන් කර ඇත. ‘‘නැකතක් යනු අංශක 360°ක් වූ ගෝලයේ විසිහතෙන් කොටසකි. එවිට නැකතකට අයත් වන අංශය ප්‍රමාණය වන්නේ අංශක 13° කලා 20° කි. නැකතකට පාද 04ක් අයිතිය.

හත නැකත අයත් වන්නේ දහතුන් වෙනි නැකතටය. මෙම නැකැත් පන්තිය (පෙළ) අතක ස්වරූපයක් පවතී. හස්ත යනු අතට කියන නමයි. ඉන්දියාවේ ජ්‍යෝතිෂයට අනුව හත නැකත භාවිත කරන්නේ හස්ත යනුවෙනි. හස්ත යන පදය හත නැකැත නමින් මෙරට භාවිතයේ යෙදෙයි.
මෙම හත නැකත චන්ද්‍රයාට අයත්වන අතර බුධහිමි කන්‍යා රාශියේ අංශක 10° සිට අංශක 23° යි කලා 20’’ දක්වා පැතිර පවතී. මෙහි පළමු පාදය කුජ හිමි මේෂ නවාංශකයටද දෙවන පාදය සිකුරු හිමි වෘෂභ නවාංශකයට ද තුන්වන පාදය බුධහිමි මිථුන නාවාංශකයට ද හත් වෙනි පාදය සඳු හිමි කටක නවාංශකයට ද අයත් වෙයි.​ ජ්‍යෝතිෂ ශාස්ත්‍රයට අනුව හත නැකත සම්බන්ධ විස්තර මේ ලෙසට විග්‍රහ කර දැක්වීමට පුළුවන.

විවාහය සම්බන්ධ කටයුතු වලදී හත නැකත අයිති දෙපාර්ශය වෙත වපර ඇසින් බැලීමට සමාජගත ප්‍රශ්නයක්ව පවතී. නැකත පිළිබඳව හරි අවබෝධයක් නැතිනිසා මිනිසුන් මගින් කටකථා දිගින් දිගට ප්‍රචාරය කිරීම මත සමාජය හත නැකත හිමි ස්ත්‍රී- පුරුෂයින් අතර විවාහය සිදුකිරීමට බිය පල කරති.
එය ගැමි වහරට අනුව හත නැකතින් ඉපදුනොත් ‘‘දීග හතක් යනවා’’ යන ගැමි වහරේ මුල්බැසගෙන ඇති මිථ්‍යා අවබෝධයකි.
විවාහය පිලිබද බැලිමේදි හත්වැන්නාධිපතිගේ බල දුබලතාවය හත්වැන්නට වැටෙන සුබ හෝ අසුබ පාප දෘෂ්ඨි හත්වැන්නාධිපති සිටින නැකැත් ආදිය බලා විවාහයට සම්බන්ධ කරුණු අනාවරණය කරගැනීමට පුළුවන. හත නැකත එකකි. හතේ පවතින නැකත තවත් එකකි. මිනිසුන් මෙම තැන් දෙක පටලවා ගෙන ඇති බව පෙනෙයි.
හත නැකතින් උපත ලබන ස්ත්‍රී පුරුෂයින් තම උත්සාහයෙන්ම දියුණුවට පත්වෙන කළගුණ හොඳින් මතක තියෙන සමාජයේ ප්‍රසිද්ධිය ලබන​ නොයෙක් ශාස්ත්‍රීය කටයුතු වලට මෙන්ම නිර්මාණ කුසලතා ඇති උගත් බුද්ධිමත් අය වෙති. ස්ත්‍රීන්ට නම් පුරුෂ පක්‍ෂයෙන්ද පුරුෂයකුට නම් ස්ත්‍රී පක්‍ෂයෙන්ද ගෞරවය ආදරය ප්‍රියමනාප බව හිමි කර ගන්නවා ඇත. දුක- සැප විඳ දරාගැනීමේ ශක්තියද ඇති නිරෝගීමත් ශරීරයක් හිමි වෙයි.
හත නැකතින් උපත ලබන ස්ත්‍රීන්ට දුටුවන් මන බඳින රූ සපුවකට හිමිකම් කියයි. ඒ වාගේම ගේදොර ඉඩකඩම් ලැබිමට වාසනා බලය ඇත. සමාජයෙන් ගරු සැලකිලි ලබයි.
හත නැකතින් උපත ලැබූ ස්ත්‍රී පුරුෂයන් සඳහා වඩාත් සුබ වන්නේ පුනවාස-පුෂ-අස්ලිය-මා-පුවපල්-උත්‍රපල් සිත- විසා අනුර යන නැකැත්වලින් උපන් ස්ත්‍රී පුරුෂයින්ය. ස්ත්‍රී පුරුෂ දෙදෙනාම හත නැකත වී නම් එය ද ඉතා සුබයි.
හත නැකතින් යොද‌ාගෙන කරන සුබ කටයුතු අතර හිසකෙස් කැපීම- කන් විදීම- අකුරු කියවීම- ඉඳුල්කටගෑම විවාහ කටයුතු- ගෙවල් සෑදීම- ගෙවදීම්- වෙළඳකටයුතු ගමන් බිමන් සඳහා ද ගොවිතැන් කටයුතු සඳහාද- වෙහෙර විහාර ඉදිකිරීම් කටයුතු සඳහා ද හත නැකත යොද‌ා ගනී.
මෙම නැකත අසුබ යැයි මිනිසුන් අතර වැරදි මත තිබුණේ මෙය උතුම් නැකතක් බව අවධාරණයෙන්ම කිව යුතුය.
එම නිසා හත නැකත ගැන දෙමාපියන් අතර ඇති අනියත බිය නැති කිරීම මගින් එම දරුවන්ටද ඉදිරි කටයුතු විශේෂයෙන් විවාහ සම්බන්ධව බලපාන වැරදි අවබෝධයෙන් ඉවත් කිරීමට පුළුවන.

කේතු ඉන්න තැන අනුව ඔබේ ගතිගුණ

 කේතු ඉන්න තැන අනුව ඔබේ ගතිගුණ

උඩු කයේ මිනිස් රූපයකි. ගාත්‍රා කොටස දරණයකි. නෙළුම් මලක් මත වාඩි වී පොතක් කියවමින් කේතු ග්‍රහයා වාසය කරයි. කේතුට ඇවිදීමට නොහැකිය. ඒ කකුල්වල තුවාල තිබෙන නිසාය. පොත් කියවමින් නුවණ දියුණු කර ගැනීමට උත්සාහ කරයි. එහෙත් තම ජීවිතය පිළිබඳව කළකිරීමක් ඇත්තකු සේ ගත කරයි. කේතු මිශ්‍ර ඵල ලබා දෙන ග්‍රහයෙක් වන අතර බඩ හෙවත් උදරය සංකේතවත් කරන්නේ කේතුය.

යම්කිසි ජන්මියකුට කේතු ලැබූ විට ඔහුගේ ගතිගුණ ජන්මියන්ට ආරූඪ වේ. කේතු දශාවේ ජන්මියාගේ ලේ දූෂ්‍ය වන අතර උණ රෝග, හොරි, දද, කුෂ්ඨ තුවාල නිතර නිතර ඇති කරවන බව අසා ඇත. කොටින්ම කියතොත් සිරැර වියළි බවක් උසුලයි. මේ නිසාම පපුවේ කැස්ස ඇති වන බව කිවහැක. මල බද්ධය ඇති කරන්නේ බඩේ තිබෙන වියළි බව හේතු කොට ගෙනයි. කේතු ඇත්තවශයෙන්ම දුර්වල අයෙකි. ඇස්වහ කටවහ, සතුරැ උවදුරැ වැඩි වශයෙන් ඇති කරන්නේ කේතුය.

ලේ දූෂ්‍ය වීමෙන් නිතර ලෙඩ රෝග, භූත දෝෂ ඇති කරයි. ධන හානි, තනතුරැවලින් පහත වැටීම නිසා පරිහානියකු බවට ජන්මියා පත්කරයි. වෙන ග්‍රහයන් සංකේත කිරීමට තරු ග්‍රහ වස්තු තිබුණත් කේතු සංකේත කිරීමට කිසියම් ග්‍රහයෙක් නොමැතිවත් කැපී පෙනෙන ලක්ෂණයකි. රාහු කේතු චින්තන මාත්‍ර ග්‍රහයන් දෙදෙනකු පමණකි. යම්කිසි බලවේග වශයෙන් හැඳින්වුවද වරදක් නැත.

රාහු ජන්ම පත‍්‍රයේ කේතුට සත්වන ස්ථානයේ යෙදෙනු ඇත.විංශෙෘත්තර් දශා බෙිදිමි අන්ව කේතු දශාව වසර 7කි.ජන්ම පත‍්‍රයේ  ( කේ ) අක්ෂරයෙන් කේතු සටහන් තැබෙනු ඇති.

කේතු මෝකෂයට කාරක වන ග‍්‍රහයෙක් වන අතර ඹහුට හිමි වු දොලොස්වැන්න මෝක්ෂය නියොජනය කෙරෙන ස්ථානය වේ.එසේම මීන රාශියද යෙදෙන්නේ දොලොස්වැන්නට වන අතර කේතු මිනය තුලදී ස්ව කේෂත‍්‍ර වනු ඇති.මෙම ත‍්‍රිත්වයේ පවතින තත්වය මත ජන්මියා මෝක්ෂය වෙතට යොමු විය හැකි බලයක් ද උදාවිය හැකියි.

යෝගකාරක ග‍්‍රහයන් සමග යහපත් අයුරින් කේතු සිදුකෙරෙනු ලබන සමිබන්ධයක් සහිත ජන්මපත තුලින් ජන්මියා වෙත බලවත්බව ලධනවත් බව හා වෙනත් යහපත් දේ පිලිබදව නි‍වේදනයක් ලබා දෙනු ඇත.අශුභ ග‍්‍රහයන් සමග දුර්වල වන කේතු මෙයට විරුද්ධ ප‍්‍රතිපල ලබාදෙයි.

කේතු කෙනෙකුගේ ලග්නය මත යෙදීම එම තැනැත්තා තුල හැකිලවීමක් සිදුවිය හැකියි.එනමි ප‍්‍රසිද්ධියෙන් තරමක ඇත්වීමක් යනුවෙන්ද හැදින්විය හැකියි. දක්ෂතා ඉස්මතු වී සමාජයට නොපෙනිම , ප‍්‍රශංශාවන් අහිමි වීමි ආදි වැනි කරුණු ජන්මයා වත යෙදිය හැකියි.කුඩාකාලයේදි කේතු දශාවක් හිමි වීම මගින් අධ්‍යාපන දියුණුවක් යෙදිය හැකියි.බොහෝවිට ශරීරියේ පිරිපුන් බවක් දක්නට නොමැත.වෘත්තියක හෝ ව්‍යාපාරයක යෙදෙන අයට කේතු දශාවක් හිමි වීමි එතරමි යහපත් බවින් යුතු නොවේ.නමුත් ඥානයක් ජන්මියා සතුවන අතර විකල්ප දේශපාලන මත වෙත යොමු විමක් ඇති විය හැකියි.ධනු හෝ මීන රාශියක වෙමින් ලග්නගත කේතු වඩාත් යහපත්ය.

දෙවැන්න මත යෙදුන කේතු දුර්වල වී දුර්වලත්වයට පත් බුධ දෘෂ්ටිය පත්වීම සමේ යමි රොගී තත්වයන් ඇති කරනු ඇති.ධනය ඉතිරි කර ගනීමට බාධාවන් යෙදිය හැකියි.ශුභ දෘෂ්ටියට ලක්වන කෙතු දෙවැන්න මත යෙදීම මුහුණට අලංකාරයක් එක් කෙරෙනු ඇත.විවාහයේ යමි ගැටලූ , හිසේ මුහුණේ තුවාල කේතු ට හිමි වන තත්වය මත යෙදිය හැකියි.

තෙවැන්න බොහෝවිට පාපි ග‍්‍රහයන්ට යහපත් ස්ථානයකි.කේතුටද මෙම ස්ථාන යහපත් වනු ඇත.බාල සහෝදරියන් හිමි කර දෙනු ඇත. සහෝදරයන් කෙරෙහි හිතවත් බව තරමක් අඩුවිය හැකියි.

සතරවැන්න මත යෙදෙන කේතු ලස්සන නිවහනක් හිමි කරදෙන්නේ ජන්ම පත‍්‍රය මත යෙදෙන යහපත් බව අනුවයි.    අයහපත් නමි දේපාල හානි, පපුව ප‍්‍රදේශයේ දුර්වලතාවයන්  ඇති කරනු ලැබිය හැකියි.සිහින් සිරුරකි.

කෙතු පස්වැන්න මත යෙදීම ශුභපල හිමිකරදෙන පිහිටීමක් වනු ඇත.දියණියන් හිමි වීමේ අවස්ථාව දැඩියි.අධ්‍යාපනය යහපත්.සිය දශාව තුලදී ජන්මියා වෙතට ශූභපල පිරිනැමීමට සමත්ය.

සයවැන්නට කේතු එතරමි යහපත් බවක් නොපෙන්වයි.ඇස් වහ කටවහ ආදියට යොමුවන්නෙකි.රෝග සදහා ප‍්‍රතිශක්තිය තරමක් අඩුයි.කේතුගේ දශාව තුලදි අන්තර් දශා තුලදී රෝග පීඩා නිතර ඇති කරනු ඇති.

සත්වැන්න මත කේතු සිටි නමි එම ස්ථානසමිබන්ධයෙන් කියවෙන කරුණු සමිබන්ධයෙන් තරමක පීඩාකාරී තත්වයන් ඇති විය හැකියි.සමේ රෝග සෑදිය හැකියි.විවාහය තුලදී යමි ගැටලූ යෙදිය හැකියි.ස්ථාන මාරු යෙදිය හැකියි.

කේතු අටේ සිටින්නේ නමි සිය දශාව තුලදී සිතුවිලි යමි ප‍්‍රමාණයකින් දුෂ්‍ය බවක් එක් කරනු ලබයි.අමනුෂ්‍ය දෝෂ යෙදිය හැකියි.සමේ රෝග එම රාශියට භාවයට අයත් රෝග පීඩාවන් යෙදිය හැකියි.

නවය මත කේතු යෙදීම අධ්‍යාපනය කෙරෙහි යහපත් බවක් එක් කෙරෙනු ඇති.ලෞකික දියුණුවට අයහපත් නොවේ.යමි මිථාවන් කෙරෙහි සිත ඇදිය හැකියි.අන්ධ භක්තිය යෙදේ.

දසවැන්න මත යෙදුනු කේතු රැකීරක්ෂා හා ව්‍යාපාර ආදියෙහි කටයුතු සදහා තරමක කරදර ඇති කෙරෙනු ඇති.රෝග පීඩාදියද යෙදිය හැකියි

අයස්ථානය හා එකොලොස්වැන්න මත රැදෙන කේතු බලවත් වීම මත ජන්මියා වෙතට ලෞකික සැප සමිපත් හිමි වන බවට නිවේදනය කරයි.ජන්මියා කෙරෙහි රූපශෝබාව දියුණු කර දෙනු ඇත.සමස්ත වශයෙන් යහපත් ස්ථානයකි.

දොලොස්වැන්නට කේතුට යහපත් වු ස්ථානයකි.කේතු දශාවන් හිදී සැපසම්පත් යෙදිය හැකියි.ඥානය හිමි වන පිහිටීමයි.මොක්ෂය වෙතට යොමුකීරිමක් ඇති කරයි.සමස්ත වශයෙන් යහපත් බවක් ගෙන දෙනු ඇත.

 

කේතු අපල වළක්වා ගැනීම සඳහා පුද පූජා කරන අවස්ථාවේදී රතු මල්, නිල් මල්, පුවක් මල්, කෙසෙල් මුහ මල්, පස් තෙල්, මිශ්‍ර තෙල් පහන් ද තද නිල් පැහැති කොඩි හා රතු පාට කොඩි පූජා කිරීම ද අපලය වළක්වා ගැනීමට පිටිවහල් වේ. උදෑසන කාලයේදී තල මිශ්‍ර කිරිබත්, කෙසෙල් ගෙඩි, මී කිරි, මී පැණි, කැවිළි පූජා කිරීම, අගිල් මිශ්‍ර සුවඳ දුම් පූජාව ඉක්මන් ශුභ ඵල උදාකර ගැනීමට මෙන්ම රාහු අපලය නැති කර ගැනීමට ද මගකි.

මහ පොළොවට හෝ නැත්නම් වයඹ දිශාව බලා පූජා පැවැත්වීමට, දෙවියන්ට පිං දීම, පිහිට පැතීම, ධජග්ග සූත්‍රය, ඛන්ද පරිත්ත යන්ත්‍රය පැළඳ ගැනීම ආරක්ෂාව සඳහා යෝග්‍ය වේ. පොල් ගෙඩි පිරිත් කර දින හතක් පොල් ගැසීම ද ගුණදායකය.
විරූපාක්ෂ, ඒරාඵත්ථ, ජක්‍යපුත්ත, කණ්හාහෝතම යනුවෙන් හඳුන්වන සර්ප කුල හතරේ සියලුම සර්පයන්ට මම මෛත්‍රී කරමි. සියලුම සර්ප ජාතීහු සුවපත් වේවා යන්න හත් වරක්, නව වරක්, එකසිය අට වරක් කීමෙන් කේතු අපලයට පිළියමක් වේ.

මහ දශාව සමඟ අතුරු දශාව විදශාව හා ඒරාශ්ඨක අපල යෙදී ඇති විටකදී මහා දශා අධිපති ග්‍රහයා නමින් ද කළ යුතු පිළිවෙත් ක්‍රම ඇත. ඒවායේ ද යෙදීම ගුණදායක බැව් කිව යුතුය. එවිට කේතු අපල සඵල කරගත හැක.

රාහු ඉන්න තැන අනුව ඔබට මෙන්න මේ වගේ

 

රාහු ස්වරූපයෙන් නයි පෙනයක් සහිත හිසක් ඇති උස්වු සිහින් සිරුරක් සහිත අත් පා දිග පුද්ගලයෙකි. අසෙකු පිට නැග වේගයෙන් ගමනේ යෙදෙයි.ඔබ දැක ඇතුවාට සැක නැත මෝටර් බයිසිකලයක නැග පණ එපා කියා වේගයෙන් යන තරුණයකු.මෙමගින්ම රාහුගේ ස්වරූපය සිතට නැගෙනු ඇත.

රාහු අරමුණින් තොරව ඇවිදීමට පොළඹවන බුද්ධිය හීන කරන ඉගෙනීමට බාධා ඇති කරවන සුරා සූදුවලට ලොල් බවින් යුතු පුද්ගලයකු බිහි කරවයි.අධ්‍යාපන කටයුතුවල යෙදී සිටින කාලයේ රාහු මහදශාව ලැබුවොත් ඉගෙනීම කඩාකප්පල් වේ.නමුත් සුභ ග්‍රහයකුගේ දෘෂ්ඨි ලදහොත් රාහු අධයාපන කටයුතු වඩාත් කාර්ය්‍යෂම වේගවත්ව කරගෙන යාමට සහය ලබාදෙයි. යහපත් වු ග‍්‍රහයෙකු සමග යෝගවී හෝ දෘෂ්ඨි ලදහොත් විශේෂයෙන් ගුරු වැනි සුභ ග‍්‍රහයෙකුගේ දෘෂ්ඨි ලදහොත් රාහු ජන්මියාව හට යහපත දියුණුවකරා ගෙන යයි.එයින් පෙනී යන්නේ හොද හෝ නරක කුමක් වුවත් රාහු එය වේගවත්ව ඉදිරියට ගෙනයාමට සහාය ලබාදෙන බවයි.

කේන්දරයක 3 6 11 යන ස්ථාන රාහු හට ශුභඵල ගෙනදෙන බවට පිළිගැනීමක් ඇත. රාහුගේ දෘෂ්ඨිය 5, 7, 9, 12 යන ස්ථානවලට වැටෙන අතර රාහු සිටින භාවය අනුවද දෘෂ්ටි හා සංයෝග අනුවද ශුභ අශුභ ගෙනදෙයි. 

කෙසේ හෝ ජන්මියෙකුගේ  දියුණුවට රාහුගෙන්  සහයෝගයක් හිමි හිමිවන්නේ උපන් මොහොත වන විට රාහුට යහපත් ස්ථානයක සිටි නම් පමණි.එසේ යෙදී ඇත්නමි ජන්මියා දක්ෂයෙකි, කඩිසරය,ධනය බලය හිමි කර ගැනිමටද රාහු උපකාර කරනු ඇත.

යමෙකු හට රාහු ලැබුවහොත් උපන් නිවසින් උපන් ගමින් ඈත්ව දුර බැහැර ගමන් යෙදීමට සිදුවනු ඇත.විදේශ ගමන්වල යෙදිමටද රාහුගේ බලපෑම හේතුවේ.රාහු  ජන්මියා මතට යොමු කරවනු ලබයි.විෂ සහිත සර්පයන්ගෙන් විපත්ද සිදුවිය හැක.

සාමාන්‍යයෙන් කිසිම ග‍්‍රහයෙකුගේ ඇසුරක් නොමැතිව හුදකලාව දුර්වල වු රාහු එකී ස්ථානයට ආදලව යෙදෙන කටයුතු කෙරෙහි අශුභතාවන් ඇති කරනු ලබනු ඇති.

වෙනත් ග‍්‍රහ ඇසුරකින් තොරව රාහු ජන්ම පත‍්‍රයක යෙදෙන ස්ථානය අනුව ජන්මියාට යම් යම් පල විපාක ලබාදෙයි

රාහු ලග්නයේ පිහිටිවිට ජන්මියා නිර්භීතය. ඉක්මන් දියුණුවද ඇති කරන පිහිටීමකි. රාහු ලග්නය මත දුර්වලත්වයට පත්විම මානසික වශයෙන් අවුල් සහගත තත්වයක් ඇති කල හැකියි. ඉක්මන් ගතිය නිසා කටයුතු අවුල් කරගනි.ඉක්මන් දුරදිග නොබලා ගන්නා තිරණ නිසා පසු කාලීනව පීඩාවට, අපහසුතාවයන්ට ලක්වනු ඇති.

රාහු දෙවැන්නේ නම් සුරා සූදුවට ඇබ්බැහි වන අතර නිතර කෝපයට පත්වෙයි. ධනය ඉතිරි කර ගැනිමට බාධා ඇති කල හැකියි.තමාගේ තත්වය නිතර වෙනස් කිරිම නිසා අන් අයගේ දෝෂ දර්ශනයට ලක්වේ.

 රාහු  තුන්වැන්නට සුභ ස්ථානයකි. ක්ෂණික තීරණ ගනියි. ධනවතෙකු වෙයි.ජන්මියා සුරයෙක් බවට පත් කරයි.සතුරු කරදර ඉවත් කරයි.නිතර ගමක් බිමන් ආදියෙහි යෙදෙන කාර්ය බහුල අයෙක් වේ.මෙම ස්ථානයේ රාහු බලවත් වීම ජන්මියා දියුනුවට පත්වන බවට නිවේ දනයක් වේ

 

සිව්වැන්නේ නම් ඇවිදීමට ප්‍රිය වෙයි. කලබල වෙයි. සමහරවිට උපන් ප්‍රදේශයෙන් ඈත්ව ජීවත්වන අයෙකු විය හැකිය.තම දේපොල පිලිබදව යමි ගැටලූද යෙදිය හැකියි.ගේ දොර ආදිය කටයුතු නිසිලෙස ඉටු නොවන බවක් පෙනෙනු ඇත.ඥාතීන් සමග යමි ගැලුකාරී තත්වයන් යෙදිය හැකියි.

බලවත්ව හා යහපත්ව පස්වැන්න මත යෙදුනු රාහු අධ්‍යාපනයට යහපත් බවක් ගෙන දෙනු ඇත.අධ්‍යාපනයෙන් ප‍්‍රතිපල හිමි කරදෙනු ඇත.දුර්වල වීම එහි විරුද්ධ ප‍්‍රතිපල සදහා යොමු කරවනු ඇති.දරුවන් කෙරෙහි යමි අශුභතා යෙදෙනුලබයි.කිසිම සෙවිල්ලක් බැලිල්ලක් නැතිව කටයුතු කරන නපුරු අයෙකි.

හයවැන්නේ නම් සැලකිය යුතු ජීවන තත්ත්වයක සිටින රෝගවලින් පීඩා විඳින ස්ත්‍රීන්ට ඇළුම් කරන ධනවතෙකු විය හැකිය. සතුරු කරදර බාධක ඉවත් වන අතර ජන්මියා කාර්යසුර බුද්ධිමත් අයෙකු බවට පත්කරනු ඇත සේවකයන් පාලනයට දක්ෂවේ.

හත්වැන්නේ රාහු තැන්පත්ව ඇත්නම් සුරා පානයට ගිජු කාමාධික අයෙකු විය හැකිය. සාමාජීය කටයුතු සදහා උදවු උපකාර කරත් ඉන් තමාට පෙරලා ප‍්‍රශංශා හිමි විම අල්ප වනු ඇත.

අටවැන්න මත යෙදෙන රාහු මානසික වශයෙන් පීඩනයක් ජන්මීන් වෙත ඇති කරනු ඇති. අටවැන්නේ නම් පහත් ගතිගුණ බලපාන කෝලාහලවලට ප්‍රියවෙන කලබලයෙන් ක්‍රියා කරන කෙනෙකි.එම නිසාම නීතිමය ගැටලූ යෙදිය හැකියි.වංචා සහගත කටයුතු සදහා ඉදිරිපත් විය හැකියි.සිතුවිලද තරමක චංචල බවින් යුතුය.විදෙස් ගමන් යෙදිය හැකියි.

නමවන්න තුලදි රාහු ගෙන් යමි යහපත් බවක් බලාපොරොත්තු විය හැකියි.විදේශ සංචාර  ආදියට ඉඩ යෙදේ.ආගම දහමට භක්තිය ඇති සහකාරියට අවනත කෙනෙකුවේ.

 දහවැන්නේ නම්

දහය රාහුට යහපත් තැනකි.වෙනත් කෙනෙකු යටතේ කටයුතු කිරිමේ අපහසුතා යෙදේ.කටයුතු කලද දිර්ඝ කාලීනව නොවේ.ඉක්මනින් දියුණුවේ.ජන්මයා තුලද කාර්යසුර්යත්වයක් දක්නට ඇත.තමාගේම කටයුතු ආදියෙන් දියුණුවක් හිමි කරගත හැකියි. කලා කටයුතුවලට හා දේශපාලනයට කැමති රැකියා කරන ස්ථානයේ ප්‍රධානීන්ට පාලක පක්ෂයට විරුද්ධව ක්‍රියා කරන අයෙකු වීමටද ඉඩ තිබේ..

අයස්ථානය හෙවත් එකොලොස්වැන්නද රාහුට යහපත් බවද ඉහතද සටහන් විය.රාහුගේ දශාවක් හිමි කල ජන්මියාට ලෞකික වශයෙන් දියුණුව හිමි කෙරෙන කාලයක් උදාකරනු ඇත.ආදායමි තත්වය උසස් කෙරෙනු ඇත.නමුත් මෙම කාලය තුලදි හිමි වන ආදායමි ඉතාමත් ධාර්මික වීම මත එහි ස්ථිරත්වය රැදෙනු ඇත.

වැයස්ථානය හෙවත් දොලොස්වැන්න විදේශ ගත වීමි යෙදිය හැකියි.ණය වීම ආදිය කල යුත්තේ පාලනයක් හා සැලසුමක් සහිතවමය.මුදල් යොදවා කෙරෙන ක‍්‍රිඩා දියට යොමු විය හැකියි.නොයෙක් වියදමි යෙදිය හැකියි.පිට ප‍්‍රදේශ වල ඇවිදීම පි‍්‍රය වනු ඇත.

මේ අනුව රාහු ජන්මපත‍්‍රය තුල යෙදෙන ආකාරය අනුව ජන්මියා වෙතට උදාවන ශුභ අශුභ පිලිබදව දැනගතහැකිය. රාහු යැයි කියු පමණින් හෝ රාහු දශාවක් හිමි වෙතැයි පැවසු සැනින් කලබල නොවී ජන්මපත‍්‍රය පරීක්ෂා කරවා හිමි වන්නේ ශුභද අශූභ ද යන්න පිලිබදව තීරණය කර  සුදුසු වත් පිලිවෙත් ආදියෙහි යෙදීම වඩාත්ම යෝග්‍යවේ.